قصيدة للشاعر فوزي مربح الرشيدي
*لوﻻ الوفا ما احتاجت الناس للناس*
*ولوﻻ المواقف ماعرفنا بعضنا*
*تلمنا الأيام مع بعض اﻻجناس*
*من دون ﻻنختار وﻻ افترضنا*
*وتجارب الأيام تبني لنا الساس*
*اما ارتفعنا فوق وﻻ انخفضنا*
*هذا نزوره طيب خاطر ونوماس*
*وهذا نجي له لاجل يقضي غرضنا*
*ياما ركبنا من بعيدات اﻻرماس*
*وياما فتلنا الحبل واﻻ نقضنا*
*نسعى ورا الدنيا على درب الافلاس*
*ونخوض ماكنا على الأرض خضنا*
*حلوقنا من شهب الايام يباس*
*وليا سمعنا بالمصالح ركضنا*
*والله لو نجمع ذهب خام والماس*
*مصيرنا للموت مهما رفضنا*
*ياما دفنا راس غالي ورا راس*
*ياليتنا مما نشوف أتعضنا*
*ونهاية المشوار مابين الاقواس*
*ومن حيث ماتبدا الحياة انقرضنا*
*حياتنا تحسب مثل عد اﻻنفاس*
*واما نصانا الموت وﻻ اعترضنا*
*ومصيرنا ندفن تحت حمر اﻻطعاس*
*ليا انتهت جانا العميل وقبضنا*
*أما على الجنة على النهر جلاس*
*ولا على الزقوووم والنار فضنا*
*ياربي اغفر لي واجرني من الباس*
*يوم الحساب ويوم ننكر بعضنا*
*وياربعي اتعظو ترى الوضع حساس*
*توبو وفي مافات ربي عوضنا*
*وصلاة ربي عد ماهب نسناس*
*على الرسول اللي بدينه وعظنا*